Z&G het net na AE opgekom, en die gehoor was goed voorbereid. Almal was so opgewonde om hierdie rockers van die verre Noorde te sien, ek inkluis.

Ek het baie gehou van die CD, en het meeste van die lirieke gereed gehad in my arsenaal die aand. Wat my die meeste verbaas het van hulle live performance, is die lead guitarist. Man, ek het gedink whatshisname van FPK en VCK (die basist), was mal. Z&G se kitaarspeler leef homself so in die vertoning in, dat ek al amper ‘n stretcher wil laat roep; geen rugwerwel is gemaak om daardie tipe opwinding te weerstaan nie. Nogtans sorg hulle vir ‘n goeie, goed ge-oliede vertoning, met elke nuwe liedjie wat die gehoor aan de voete-stamp het, tot hulle uiteindelik afsluit met die gewilde “The Knife”.